เนววิปากนวิปากธมฺมธมฺมํ ปจฺจยา วิปาโก ธมฺโม อุปฺปชฺชติ อารมฺมณปจฺจยา – จกฺขายตนํ ปจฺจยา จกฺขุวิญฺญาณํ, โสตายตนํ ปจฺจยา โสตวิญฺญาณํ , ฆานายตนํ ปจฺจยา ฆานวิญฺญาณํ, ชิวฺหายตนํ ปจฺจยา ชิวฺหาวิญฺญาณํ, กายายตนํ ปจฺจยา กายวิญฺญาณํ; วตฺถุํ ปจฺจยา วิปากา ขนฺธา, ปฏิสนฺธิกฺขเณ วตฺถุํ ปจฺจยา วิปากา ขนฺธาฯ (2)

เนววิปากนวิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อารมฺมณปจฺจยา – วตฺถุํ ปจฺจยา วิปากธมฺมธมฺมา ขนฺธาฯ (3)

วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปาโก ธมฺโม อุปฺปชฺชติ อารมฺมณปจฺจยา – จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ตโย ขนฺธา…เป.… ทฺเว ขนฺเธ จ จกฺขายตนญฺจ ปจฺจยา ทฺเว ขนฺธา, โสต… ฆาน… ชิวฺหา… กาย… วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา; ปฏิสนฺธิกฺขเณ วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม อุปฺปชฺชติ อารมฺมณปจฺจยา – วิปากธมฺมธมฺมํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

อธิปติปจฺจโย

[62] วิปากํ ธมฺมํ ปจฺจยา วิปาโก ธมฺโม อุปฺปชฺชติ อธิปติปจฺจยา – วิปากํ เอกํ ขนฺธํ ปจฺจยา… ตีณิ (อธิปติยา ปฏิสนฺธิกฺขเณ นตฺถิ)ฯ

วิปากธมฺมธมฺมํ ปจฺจยา… ตีณิฯ

เนววิปากนวิปากธมฺมธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อธิปติปจฺจยา – เนววิปากนวิปากธมฺมธมฺมํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ ปจฺจยา ทฺเว ขนฺธา จิตฺตสมุฏฺฐานญฺจ รูปํ, เอกํ มหาภูตํ ปจฺจยา ตโย มหาภูตา…เป.… มหาภูเต ปจฺจยา จิตฺตสมุฏฺฐานํ รูปํ อุปาทารูปํ, วตฺถุํ ปจฺจยา เนววิปากนวิปากธมฺมธมฺมา ขนฺธาฯ (1)

เนววิปากนวิปากธมฺมธมฺมํ ปจฺจยา วิปาโก ธมฺโม อุปฺปชฺชติ อธิปติปจฺจยา – วตฺถุํ ปจฺจยา วิปากา ขนฺธาฯ (2)

เนววิปากนวิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อธิปติปจฺจยา – วตฺถุํ ปจฺจยา วิปากธมฺมธมฺมา ขนฺธาฯ (3)

เนววิปากนวิปากธมฺมธมฺมํ ปจฺจยา วิปาโก จ เนววิปากนวิปากธมฺมธมฺโม จ ธมฺมา อุปฺปชฺชนฺติ อธิปติปจฺจยา – วตฺถุํ ปจฺจยา วิปากา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (4)

เนววิปากนวิปากธมฺมธมฺมํ ปจฺจยา วิปากธมฺมธมฺโม จ เนววิปากนวิปากธมฺมธมฺโม จ ธมฺมา อุปฺปชฺชนฺติ อธิปติปจฺจยา – วตฺถุํ ปจฺจยา วิปากธมฺมธมฺมา ขนฺธา, มหาภูเต ปจฺจยา จิตฺตสมุฏฺฐานํ รูปํฯ (5)

[63] วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปาโก ธมฺโม อุปฺปชฺชติ อธิปติปจฺจยา – วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อธิปติปจฺจยา – วิปาเก ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (2)

วิปากญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปาโก จ เนววิปากนวิปากธมฺมธมฺโม จ ธมฺมา อุปฺปชฺชนฺติ อธิปติปจฺจยา – วิปากํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา, วิปาเก ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

[64] วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม อุปฺปชฺชติ อธิปติปจฺจยา – วิปากธมฺมธมฺมํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธาฯ (1)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อธิปติปจฺจยา – วิปากธมฺมธมฺเม ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (2)

วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปจฺจยา วิปากธมฺมธมฺโม จ เนววิปากนวิปากธมฺมธมฺโม จ ธมฺมา อุปฺปชฺชนฺติ อธิปติปจฺจยา – วิปากธมฺมธมฺมํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ จ วตฺถุญฺจ ปจฺจยา ทฺเว ขนฺธา, วิปากธมฺมธมฺเม ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

อนนฺตร-สมนนฺตรปจฺจยา

[65] วิปากํ ธมฺมํ ปจฺจยา วิปาโก ธมฺโม อุปฺปชฺชติ อนนฺตรปจฺจยา… สมนนฺตรปจฺจยา (อารมฺมณปจฺจยสทิสํ)ฯ

อญฺญมญฺญปจฺจโย

[66] สหชาตปจฺจยา…เป.… อญฺญมญฺญปจฺจยา – วิปากํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธา; ปฏิสนฺธิกฺขเณ วิปากํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธาฯ (1)

วิปากํ ธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อญฺญมญฺญปจฺจยา – ปฏิสนฺธิกฺขเณ วิปาเก ขนฺเธ ปจฺจยา วตฺถุฯ (2)

วิปากํ ธมฺมํ ปจฺจยา วิปาโก จ เนววิปากนวิปากธมฺมธมฺโม จ ธมฺมา อุปฺปชฺชนฺติ อญฺญมญฺญปจฺจยา – ปฏิสนฺธิกฺขเณ วิปากํ เอกํ ขนฺธํ ปจฺจยา ตโย ขนฺธา วตฺถุ จ…เป.… ทฺเว ขนฺเธ ปจฺจยา ทฺเว ขนฺธา วตฺถุ จฯ (3)

[67] วิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อญฺญมญฺญปจฺจยา – วิปากธมฺมธมฺมํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธาฯ (1)

เนววิปากนวิปากธมฺมธมฺมํ ปจฺจยา เนววิปากนวิปากธมฺมธมฺโม อุปฺปชฺชติ อญฺญมญฺญปจฺจยา – เนววิปากนวิปากธมฺมธมฺมํ เอกํ ขนฺธํ ปจฺจยา ตโย ขนฺธา…เป.… ทฺเว ขนฺเธ ปจฺจยา ทฺเว ขนฺธา, เอกํ มหาภูตํ ปจฺจยา ตโย มหาภูตา…เป.… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ ปจฺจยา ตโย มหาภูตา…เป.… ทฺเว มหาภูเต ปจฺจยา ทฺเว มหาภูตา; วตฺถุํ ปจฺจยา เนววิปากนวิปากธมฺมธมฺมา ขนฺธาฯ (1)

เนววิปากนวิปากธมฺมธมฺมํ ปจฺจยา วิปาโก ธมฺโม อุปฺปชฺชติ อญฺญมญฺญปจฺจยา – จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา วิปากา ขนฺธา; ปฏิสนฺธิกฺขเณ วตฺถุํ ปจฺจยา วิปากา ขนฺธาฯ (2)

เนววิปากนวิปากธมฺมธมฺมํ ปจฺจยา วิปากธมฺมธมฺโม อุปฺปชฺชติ อญฺญมญฺญปจฺจยา – วตฺถุํ ปจฺจยา วิปากธมฺมธมฺมา ขนฺธาฯ (3)